Secret Ingredient van Verhoudings – LIEFDE
Tiener Bybelstudie Reeks
Hierdie reeks studies hoef nie in volgorde bestudeer te word nie, dit volg nie op mekaar nie buiten vir die studies wat ‘n deel 1 en 2 het. Soek al die teksverse in jou Bybel op. Dis belangrik om die teksverse te lees om te sien wat in die Bybel staan aangaandie die onderwerp. Dit sal jou ook help om jou Bybel beter te leerken.
Lees 1 Korinthiërs 13:1-13
“Life is relationships; the rest is just details.” Everything in life that truly matters can be boiled down to relationships.
VRAAG: WAAR WORD GOD SE LIEFDE BETER UITGELEEF
OF DUIDELIKER GESIEN OF GEOPENBAAR, AS JUIS IN
INTERPERSOONLIKE VERHOUDINGS!?
- Omdat God met elkeen van ons ‘n persoonlike verhouding wil hê deur Sy onvoorwaardelike liefde, daarom wil Hy ook hê dat ons Sy liefde sal uitstraal en uitlewe in ons verhoudings.
- Hier sluit dit in; gewone vriendskapverhoudings /ouer-en-kind verhoudings / liefdesverhoudings / professionele verhoudings dus alle tipe verhoudings wat ons kry.
Onthou
- Geen aspek van ons lewens of geen verhouding, mag sonder God se liefde wees nie!!!
Geen verhouding wat nie die liefde van Jesus Christus in sy volheid ervaar en uitleef, kan ooit totale sukses smaak nie.
Te veel verhoudings bv; vriendskapsverhoudings / liefdesverhoudings het misluk vanwee die feit dat een van die twee partye Jesus ingeneem het en sy liefde uitgeleef het terwyl die ander party die wêreld en sy drange nagejaag het.
Die basiese elemente van die mens se geestelike lewe word in 1 Korinthiërs 13:13 gedefinieer, waar Paulus sê: “en nou bly geloof, hoop, liefde – hierdie drie; maar die grootste hiervan is die liefde.”
- Die liefde is egter ewig en onvernietigbaar.Dit sal vir altyd bestaan, en dít is die groot saak waaroor dit in die Bybel gaan – die agapé liefde van God.
- Juis omdat God liefde is en ook vir ons in ons sondige toestand liefgehad het, het Hy sy Seun gegee om vir ons te sterwe sodat ons gered kan word. “Want so lief het God die wêreld gehad dat Hy sy eniggebore Seun gegee het, sodat elkeen wat in Hom glo, nie verlore mag gaan nie, maar die ewige lewe kan hê” (Joh. 3:16).
- Dit maak ‘n geloofsverhouding met God moontlik, en dit gee ook aan ons hoop vir hierdie lewe én die toekomstige lewe. Geloof en hoop kan dus slegs beoefen word omdat daar liefde is.
Goeie einskappe van liefde in verhoudings
In Markus 12 vanaf vers 28,
Vra die skrifgeleerdes vir Jesus die vraag: “Wat is die grootste gebod?”
Hy vra daarmee wat eindelik die belangrikste reel of regulasie is wat hy moet nakom. Dan sê Jesus eindelik om ’n volgeling van Hom te wees nie oor reëls of regulasies of wette gaan wat jy moet nakom nie, dit gaan oor verhoudings.
Jesus sê: “ Jy moet die Here jou God liefhê met alles wat jy is en jy moet jou naaste life hê soos jouself.” – dit is verhoudingstaal.
1. Dit is ‘n liefde wat gee
- God se liefde het uitgegaan na hulle in nood “groter liefde het niemand as dit nie, dat iemand sy lewe vir sy vriende gee” (Joh. 15:13). Hy is die Goeie Herder wat Sy lewe aflê vir die skape.
- Baie mense se liefde vandag; is opgeblase, vol van homself en praat graag groot. Hy het homself ten koste van andere lief. Hy het net diegene lief uit wie hy iets kan kry, en vir wie hy kan gebruik en ook misbruik.
VRAAG: HET JY ‘N LIEFDE WAT GEE OF WAT NET WIL ONTVANG?
2. Dit is ‘n liefde wat vergewe en vergeet
- God se liefde vergewe totaal en al – só volkome dat Hy nooit weer een keer na die sonde wat vergewe is, verwys nie. Hy werp dit in die see van vergetelheid en dink nie weer daaraan nie.
- Kyk maar’ vriende skei as gevolg van liefdelose beskuldigings, families breek op en raak verbitterd met mekaar omrede mense nie met die liefde en vergewensgesindheid van God vervul is nie, raak hul maklik verbitterd teenoor mekaar, grawe ou koeie uit die sloot, en beskuldig mekaar opnuut oor en weer.
- Ons het die volgende duidelike opdrag oor vergewensgesindheid:
“Verdra mekaar en vergewe mekaar as die een teen die ander ‘n klag het; soos Christus julle vergeef het, so moet julle ook doen. En beklee julle bo dit alles met die liefde wat die band van die volmaaktheid is. En laat die vrede van God waartoe julle ook in een liggaam geroep is, in julle harte heers, en wees dankbaar” (Kol. 3:13-15).
Bottom line: Ons lewens moet ook hiervan getuig. Ons moet in die liefde van God gewortel en gegrond wees. Ons moet daarin opgroei en dit moet duidelik wees in al ons verhoudings. (1 Joh. 2:5).
Sonder God se liefde sal geen verhouding kan werk of ‘n sukses wees nie!!!
Tiener Bybelstudie Reeks:
Krisisse - How to handle the ‘curve balls’ in Life...?!?
The Good, the Bad and the Ugly Relationships
Hierdie studies is saamgestel deur Just Africa Mission NPC
Kopiereg: Voel vry om hierdie studie af te laai en te gebruik of te versprei mits daar niks aan verander word nie en erkenning gegee word aan www.jam.org.za.
