The Bible for Dummies Deel 2
Tiener Bybelstudie Reeks
Hierdie reeks studies hoef nie in volgorde bestudeer te word nie, dit volg nie op mekaar nie buiten vir die studies wat ‘n deel 1 en 2 het. Soek al die teksverse in jou Bybel op. Dis belangrik om die teksverse te lees om te sien wat in die Bybel staan aangaandie die onderwerp. Dit sal jou ook help om jou Bybel beter te leerken.
Duidelike Kenmerke en Unieke Eienskappe:
Dit is ‘n openbaring van God en sy werke
Die Bybel is nie mense se woorde nie, maar God se Woord.
Hierin word die:
a. Drie-enige God geopenbaar,
b. die oorsprong van die mens en die natuurlike skepping,
c. die ellende en geestelike doodsheid van die mens as gevolg van die sondeval,
d. die teenwoordigheid en planne van ‘n vyandige koninkryk onder die leiding van satan.
e. God se reddende genade deur Jesus Christus se kruisdood en opstanding,
f. God se oordele oor die sondaars wat sy uitnodiging tot redding verwerp.
- ‘n Groot deel van die Bybel is op die geestelike groei en toerusting van diegene toegespits wat hulle tot God bekeer het en wat Hom wil dien. 2 Tim. 3:16-17
- Die Bybel is nie menslike gedagtes oor God nie, maar ‘n boek wat deur God self “ingegee” is. Die goddelike inspirasie en foutloosheid van die Bybel kan nie weerspreek word nie. 2 Tim. 3:16; 2 Pet. 1:21
Dit is aan ‘n Persoon gekoppel
- Alle beloftes van God in die Bybel moet herlei word na ‘n Persoon, die Here Jesus Christus. Hy is die vleesgeworde Woord. Joh. 1:1,4,14
- Die gesproke en geskrewe Woord van God getuig van die Verlosser, Jesus Christus, daarom staan dit in so ‘n noue verband met Hom.
- In Hom is elke belofte in die Bybel ja en amen omdat Hy deur sy kruisdood die prys vir die vervulling daarvan betaal het. 2 Kor. 1:20; Ef. 1:7
- Weens die noue assosiasie tussen Christus en die Woord kan ons Hom nie volkome liefhê as ons die bestudering van sy Woord afskeep nie. Joh. 14:23
Dit het skeppingskrag
- Die Woord van God het skeppingskrag. 2 Pet. 3:5
- Dit herskep ook verlore mense. Rom. 1:16
- Alle ware gelowiges weet van die krag wat daar in die Woord is. “Spreek net ‘n woord, en my kneg sal gesond word”. Matt. 8:8
Dit is soos ‘n vuur en ‘n hamer
- Die Woord is soos ‘n verterende vuur en ‘n hamer wat verbrysel. Jer. 23:29
- Dit kan die hardste hart sag maak en elke muur van weerstand afbreek indien ons net met ‘n oop en ontvanklike gemoed daarna sou luister.
Dit red sondaars se siele
- Ons moet hierdie Woord met sagmoedigheid ontvang, omdat die boodskap daarvan ons siele kan red. Jak. 1:21; 1 Pet. 1:23
- Die Here Jesus het sy dissipels intensief onderrig en hulle verstand geopen om die Skrifte te verstaan wat van Hom getuig. Luk. 24:44-45; Joh. 5:37-40
Dit is gees en lewe
- Die woorde van Christus is gees en is lewe. Joh. 6:63
- Ná ons wedergeboorte moet ons onsself ook daagliks met hierdie Woord voed, sodat ons eestelik kan opgroei tot die volwasse man of vrou in Christus. Ef. 4:13-14; 1 Tim. 4:6; 1 Pet. 2:2
- Hierdie geestelike voedsel is noodsaaklik. Luk. 4:4
Dit is ‘n tweesnydende swaard
- Die Woord is soos ‘n tweesnydende swaard wat indring tot in ons diepste wese waar dit die gedagtes en houdings van ons harte openbaar. Heb. 4:12
- Dit wys aan ons watter gedagtes vleeslik en watter geestelik is.
Dit is ‘n vaste rigsnoer vir ons lewe
- Dit rig ons voetstappe weg van die pad van sonde af. Jos. 1:7; Ps. 119:101,133
- Deur die beloftes in die Bybel in die geloof te aanvaar, bêre ons die Woord van God in ons harte sodat ons teen Hom nie sal sondig nie. Ps. 119:11
Dit verlig ons lewe
- Alle Christene moet die lig van God se Woord in die wêreld laat skyn sodat sondaars tot bekering kan kom. Hand. 26:18
- In die lig van God se Woord besef ons ons sondigheid en behoefte aan verlossing. Ef. 5:14
Dit keer nie leeg tot God terug nie
- Die Woord van die Here strek óf tot die redding en geestelike opbouing van mense, óf tot hulle veroordeling weens ongeloof.
- Dit sal dus nie leeg tot God terugkeer nie. Jes. 55:10-11
- Die Here het nie behae in die ondergang van die goddelose nie, maar eerder daarin dat hy hom bekeer. Jes. 55:6-7; 1 Tim. 2:3-4
- Dit is waarom die uitnodiging tot bekering aan alle nasies verkondig word. Hand. 17:30-31
Dit hou vir ewig stand
- “Die Woord van die Here bly tot in ewigheid”. Matt. 24:35; 1 Pet. 1:25
- Dit bly altyd van krag, raak nooit irrelevant nie.
- Alles daarvan sal vervul word. Saam met die psalmis kan ons ook die ewigdurendheid van die Here, sy Woord en sy goedertierenheid besing. Ps. 19:9-10; 29:10; 37:18; 44:9; 73:26; 92:9; 111:3; 119:93,160; 135:13
Persoonlike Toewyding
Ek aanvaar die Bybel as die geïnspireerde en foutlose Woord van God.
- Dit is ‘n groot geskenk uit die hemel, omdat God Homself hierdeur aan die mensdom openbaar.
In die Heilige Skrif:
a. is die belofte van sondevergifnis en die ewige lewe.
b. voorskrifte oor hoe om die nuwe lewe in Christus op te bou, te versterk & stand te hou.
- Die Here wil my daardeur volkome maak, vir elke goeie werk volkome toegerus.
- Mag Hy my bewaar van onkunde oor sy Woord. Matt. 22:29
“Ek het my voete teruggehou van elke verkeerde pad, dat ek u Woord kan bewaar” (Ps. 119:101)
Tiener Bybelstudie Reeks:
Krisisse - How to handle the ‘curve balls’ in Life...?!?
Secret Ingredient van Verhoudings
The Good, the Bad and the Ugly Relationships
Hierdie studies is saamgestel deur Just Africa Mission NPC
Kopiereg: Voel vry om hierdie studie af te laai en te gebruik of te versprei mits daar niks aan verander word nie en erkenning gegee word aan www.jam.org.za.